13 დეკემბერს, 17.00 საათზე, ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკა და შემოქმედებითი ჯგუფი ,,Art info საქართველო" ახალი სახელოვნებო ჟურნალის ,,Art info საქართველო" პრეზენტაციას გამართავენ.
ჟურნალი ყოველთვიურად გამოვა და მასში როგორც თანამედროვე ქართული, ისე მნიშვნელოვანი საერთაშორისო ლიტერატურული პროცესები გაშუქდება. ჟურნალის პირველ ნომერში წარმოდგენილი მასალები მოიცავს ხელოვნების თითქმის ყველა დარგს. მკითხველი გაეცნობა ცნობილი ავტორების ლაშა გახარიას, გიორგი საჯაიას, ზურაბ ლეჟავას, ლუდმილა ულიცკაიას, ფრანსუაზა საგანის, ანა გავალდას, ვილჰელმ შმიდის და სხვათა ნაწარმოებებს.
,,Art info საქართველოს" მიზანია ხელი შეუწყოს მთარგმნელობითი და კრიტიკულ-პუბლიცისტური მიმართულებების განვითარებას. ჟურნალის პირველ ნომერში მკითხველი იხილავს საინტერესო და მრავალფეროვან თარგმანებსა და აქტუალურ კრიტიკულ წერილებს.
ჟურნალის რედაქციისა და შემოქმედებითი ჯგუფის წევრები ძირითადად თბილისის სახელმწიფო უნივერსიტეტის სტუდენტები არიან.