სამართალდამცავებმა ბათუმში, მელიქიშვილის ქუჩაზე ნარკოდანაშაულისათვის ორი პიროვნება დააკავეს.
დავით ქ.-სა და ამირან ა.-ს პირადი ჩხრეკისას, მოყავისფრო სითხით სავსე ორი სამედიცინო შპრიცი აღმოაჩნდათ. გაირკვა, რომ ამირან ა.-თავდაცვის სამინისტროს გაერთიანებული შტაბის სამხედრო პოლიციის დეპარტამენტის აჭარის სამმართველოს თანამშრომელია.
დაკავებულებს ნარკოლოგიური შემოწმება ჩაუტარდათ. აღმოჩნდა, რომ დაკავებისას ორივე ნარკოტიკული ნივთიერების ზემოქმედების ქვეშ იმყოფებოდა. მათ სისხლში „ჰეროინის" და „მარიხუანის" კვალი აღმოჩნდა.
ამირან ა.-ს მიმართ საქმე 260-ე მუხლის 1-ლი ს ნაწილით (ნარკოტიკის შეძენა, შენახვა ) წაუყენეს, ხოლო დავით ქ.-ს მიმართ ამავე მუხლის მე-2 ნაწილის „დ" ქვეპუნქტით ( არაერთგზის შეძენა-შენახვა) აღიძრა.
