ქრთამის აღების ფაქტზე, საქართველოს ფინანსთა სამინისტროს საგამოძიებო სამსახურის თანამშრომლებმა დააკავეს რუსთავის საკრებულოს მიერ დაფუძნებული, არაკომერციული იურიდიული პირის "რუსთავის კორპუსი" - ს დირექტორის მოადგილე ავთანდილ ჟორჟოლიანი.
გამოძიებით დადგინდა, რომ ა. ჟორჟოლიანი, სახელმწიფო თანხის უკანონოდ მითვისების მიზნით, დანაშაულებრივად გაურიგდა ერთერთი შპს - ს ხელმძღვანელ პირებს. ამ შპს - მ ქალაქ რუსთავში საცხოვრებელ კორპუსს ჩაუტარა 9 745 ლარის ღირებულების სარემონტო სამუშაოები. აღნიშნული თანხა, შპს - ს „რუსთავის კორპუსი" - სგან გადაერიცხა. რის შემდეგაც, ა. ჟორჟოლიანმა, სამუშაოების მიღებაში დახმარების სანაცვლოდ, შპს - ს ხელმძღვანელისგან ქრთამის სახით აიღო 1000 ლარი.
მიმდინარეობს გამოძიება საქართველოს სისხლის სამართლის კოდექსის 338 - ე მუხლის პირველი ნაწილით, რაც ითვალისწინებს თავისუფლების აღკვეთას 6 დან 9 წლამდე ვადით.
