თელავის რაიონის სოფელ ყარაჯალაში 54 წლის რეიხანა თანზილყიზს საკუთარ სახლში გვიან ღამით თავს სამი ნიღბიანი დაესხა.
თავდამსხმელებმა ქალბატონს ცივი იარაღით 6 ჭრილობა მიაყენეს, რის შემდეგაც სახლიდან ფული და ძვირფასეულობა წაიღეს.
დაზარალებული თელავის რაიონულ საავადმყოფოში მკურნალობას გადის. ექიმების თქმით, მისი მდგომარეობა სტაბილურია.
მომხდართან დაკავშირებით აღძრულია სისხლის სამართლის საქმე. გამოძიებას შინაგან საქმეთა თელავის რაიონული სამმართველო აწარმოებს.
