თავდაცვის ყოფილ მინისტრს ირაკლი ოქრუაშვილს გამომძიებლები შეხვდებიან. როგორც ჟურნალისტებთან მთავარმა პროკურორმა განაცხადა შეხვედრა დღეს და ხვალ 5 დეკემბერსაა დაგეგმილი.
"გამომძიებლები დღეს და ხვალ შეხვდებიან ირაკლი ოქრუაშვილს და ყველა იმ საკითხთან დაკავშირებით, რომელიც ჩვენთვის არის ცნობილი მისი განცხადებიდან გამომდინარე Eეს იქნება ჟვანიას, გელაშვილის, რობაქიძის, გირგვლიანის თემა თუ სხვა ამ კითხვებზე ოქრუაშვილის მხრიდან პასუხები მიღებული იქნება", -განაცხადა ოქრუაშვილმა.
შეგახსენებთ, რომ ოქუაშვილს ბრალი წარდგენილი აქვს სისხლის სამართლის კოდექსის 223-ე მუხლის პირველი ნაწილით, რაც უკანონო შეიარაღებული ფორმირებების შექმნასა და მეთაურობას გულისხმობს და 6-დან 9 წლამდე თავისუფლების აღკვეთას ითვალისწინებს. ირაკლი ოქრუაშვილთან ერთად შეიარაღებული ფორმირებების მომზადებაში ბრალდებულია კიდევ რამდენიმე პირი, მათ შორის გიორგი გაბროშვილი, იოსებ გიგუაშვილი, ზაზა ბეთლემიშვილი, ზვიჩა საბაშვილი. ოქრუაშვილის სასამართლო პროცესი 5 დეკემბერსაა ჩანიშნული.
