"ბაგრატის ტაძარში გარკვეული დეტალების კორექტირება და ბოლომდე მიყვანა მიმდინარეობს', _ განაცხადა "ჯი-ეიჩ-ენთან" საუბარში საქართველოს კულტურული მემკვიდრეობის დაცვის სააგენტოს ნებართვებისა და მიმდინარე პროექტების კოორდინაციის სამსახურის უფროსმა პაატა გაფრინაშვილმა.
მისი თქმით, ბაგრატის ტაძარში მიმდინარე სამუშაოები 2-3 დღეში დასრულდება.
"ბაგრატის ტაძარს არავითარი რეკონსტრუქცია არ უკეთდება. მოგეხსენებათ, ბაგრატის ტაძრის ძირითადი სამუშაოები დასრულებულია. უბრალოდ, ტაძარში მიმდინარეობს გარკვეული დეტალების კორექტირება და ბოლომდე მიყვანა. ჩამოსული იყო პროექტის ავტორი, რომლმაც თავისი მითითებები მოგვცა და ახლა ამ კორექტირებაზე მიმდინარეობს მუშაობა. ხაზგასმით უნდა ითქვას, რომ ტაძარს არაფერი ახალი არ უკეთდება", - განაცხადა "ჯი-ეიჩ-ენთან" საუბარში პაატა გაფრინდაშვილმა, რომელმაც აღნიშნა, რომ მიმდინარეობს მუშაობა ტაძრის იატაკის კონცეფციაზეც.