წყალტუბოში, სოფელ ნამოხვანის მახლობლად მდებარე ტყეში გაჩენილ ცეცხლს მეხანძრეები ვერ აქრობენ. მეხანძრეები დახმარებას თბილისის საგანგებო სიტუაციების სამსახურს სთხოვენ. წყალტუბოს სახანძრო სამსახურის ხელმძღვანელის თამაზ ბენიძის თქმით, ცეცხლის ჩაქრობა ვერტმფრენის გარეშე შეუძლებელია.
"ტყეში ცეცხლის რამდენიმე კერაა, თუმცა ხანძარი ჩვენგან იმდენად შორს არის, რომ ცეცხლის მასშტაბის განსაზღვრა შეუძლებელია. თბილისის საგანგებო სიტუაციების სამსახური უკვე ჩავაყენეთ საქმის კურსში და მათ რეაგირებას ველოდებით, რადგან ჩვენ ჩვენი ძალებით ხანძრის ლოკალიზებას ვერ შევძლებთ," - ამბობს თამაზ ბენიძე.
შეგახსენებთ, რომ სოფელ ნამოხვანის მახლობლად მდებარე ტყეში ხანძარი დღეს გაჩნდა. მეხანძრეების განცხადებით, ცეცხლი ტერიტორიაზე ტყიბულიდან გადავიდა.