ბათუმის მერიის დერეფანში სამი ადამიანი ქალაქის საკრებულოს თავმჯდომარისა და მერის გადადგომის მოთხოვნით შიმშილობს.
პროტესტის ამ ფორმით გამოხატვის გადაწყვეტილება მათ საპროტესტო აქციის შემდეგ მიიღეს, რომელიც მერიის შენობის წინ არასამთავრობო ორგანიზაცია "საქართველოს კორუფციასთან ბრძოლის საინფორმაციო ცენტრის" თავმჯდომარემ, მერაბ ღოღობერიძემ თანამოაზრეებთან ერთად გამართა.
აქციის მონაწილეები შენობაში შეიჭრნენ და საკრებულოს სხდომათა დარბაზში შესვლას ცდილობდნენ, თუმცა დაცვის სამსახურის თანამშრომლებმა მათ ამის საშუალება არ მისცეს.
ბათუმის საკრებულოს თავმჯდომარესა და ქალაქის მერთან ხმაურიანი დაპირისპირების შემდეგ, მათ შიმშილობა სხდომათა დარბაზის კარებთან დაიწყეს.