საბავშვო ,,ევროვიზიაზე" ამსტერდამში საქართველოს გუნდმა The FUNKIDS - 103 ქულით მეორე ადგილი დაიკავა. ხოლო რიგით მეათე საბავშვო ,,ევროვიზიის" გამარჯვებული უკრაინელი ანასტასია პეტრიკი გახდა, მან საკონკურსო სიმღერით "Nebo" 138 ქულა დააგროვა. მესამე ადგილზე კი სომხეთის წარმომადგენელი ჯგუფი ჩომპასს - 98 ქულით გავიდა.
საბავშვო ევროვიზიის გამარჯვებული ჟიურიმ და ევროპელმა მაყურებელმა ხმის მიცემის შედეგად, ერთობლივად გამოავლინეს.
საბავშვო ევროვიზიაზე საქართველოს წარმომადგენელი ჯგუფი The FUNKID, რომლის პროდუსერი გიგა კუხიანიძე იყო მე-10 ნომრად წარსდგა. საკონკურსო სიმღერის ტექსტი ბავშვებთან ერთად ნანა ცინცაძემ დაწერა.
შეგახსენებთ, რომ 2012 წლის საბავშვო ევროვიზიის სიმღერის კონკურსში 12 ქვეყანა მონაწილეობდა: ალბანეთი, სომხეთი, აზერბაიჯანი, ბელარუსი, ბელგია, საქართველო, ისრაელი, მოლდოვა, ჰოლანდია, რუსეთი, შვედეთი და უკრაინა. ჰოლანდიამ საბავშვო ევროფესტივალს 2007 წელს როტერდამში უმასპინძლა, ხოლო კონკურსის გამარჯვებული 2009 წელს გახდა. ხოლო საქართველო საბავშვო ევროფესტივალის გამარჯვებული ორჯერ გახდა და წელს კონკუსში მეექვსედ მონაწილეობს. 2008 წელს კვიპროსში ჯგუფმა "ბზიკებმა" მოიპოვა გამარჯვება, ხოლო 2011 წელს ჯგუფმა "ქენდიმ".
