გამოცდების ეროვნული ცენტრი მომავალი წლიდან კემბრიჯის უნივერსიტეტის სასერტიფიკაციო გამოცდების ჩატარებას (PET და FCE) გეგმავს. ამის შესახებ ინფორმაციას გამოცდების ეროვნული ცენტრი ავრცელებს.
საგამოცდო ტერიტორიის დათვალიერებისა და გამოცდებთან დაკავშირებული დეტალების დაზუსტების მიზნით, გამოცდების ეროვნულ ცენტრს კემბრიჯის უნივერსიტეტის განვითარების მენეჯერი მაიკლ კარტი ესტუმრა. სამუშაო შეხვედრაზე მხარეებმა საქართველოში არსებულ საგამოცდო სისტემასა და ახალი გამოცდების ჩატარების თავისებურებებზე ისაუბრეს.
PET - კემბრიჯის უნივერსიტეტის ინგლისური ენის საშუალო დონის საკვალიფიკაციო ტესტირებაა. სერტიფიკატი გამოიყენება სამუშაო, სასწავლო და სამოგზაურო მიზნებისათვის.
FCE - ის კემბრიჯის უნივერსიტეტის ყველაზე მნიშვნელოვან გამოცდას უწოდებენ ინგლისურ ენაში. იგი გამოყენება სამუშაო, სასწავლო და სამოგაზაურო მიზნებისათვის, თუმცა წარმოადგენს უფრო მაღალ საკვალიფიკაციო დონეს, ვიდრე PET-ის გამოცდა. კემბრიჯის ორივე ტესტირებისთვის გამოიყენება კომპიუტერი და ფურცელი.
დღემდე, კემბრიჯის გამოცდებს საქართველოში მხოლოდ ერთი ორგანიზაცია - ბრიტანეთის საბჭოები ატარებდა.
გამოცდების ეროვნული ცენტრი TOEIC, TOEFL- ის და სხვა საერთაშორისო გამოცდების ჩატარებასაც გეგმავს.