საგანგებოდ შექმნილმა ახალმა პროექტმა ძეგლი განადგურებისგან და გუმბათი ჩამოქცევისგან იხსნა. მიმდინარე ზამთარი ძეგლს საფრთხეს აღარ შეუქმნის, სარეაბილიტაციო სამუშაოები ძეგლის სრული აღდგენისთვის 2013 წელს გაგრძელდება და XIII საუკუნის ფუძნარს პირვანდელი სახე დაუბრუნდება.
2013 წელს პროექტის მიხედვით დაგეგმილია ტაძრის სრული აღდგენა: მოხდება კამარების გადაყვანა, კედლის საპირე წყობის აღდგენა და გუმბათქვეშა თაღების შექმნა და რაც მთავარია ფუძბნარის უძველესი გუმბათის საკუთარ ადგილზე დაბრუნება.
ფუძნარის ღვთისმშობლის სახელობის ეკლესია XIII საუკუნის პირველ ნახევარშია აგებული კულტურული მემკვიდრეობის ერთ-ერთი უმნიშვნელოვანესი ძეგლია და დუშეთის რეგიონში ჩვენამდე მოღწეულ ერთადერთ გუმბათიან ტაძარს წარმოადგენს.
