დღეს, 29 ნოემბერს, ეკლესია მათე მახარებლის ხსენების დღეს აღნიშნავს. წმიდა მოციქული და მახარებელი მათე ძე ალფესი (თორმეტ მოციქულთაგანი) წარმოშობით გალილეის ქალაქ კაპერნაუმიდან იყო.
მათე მოციქული სახარების პირველი წიგნის ავტორია. გადმოცემით ცნობილია, რომ მან სახარება უფლის ზეცად ამაღლებიდან 8 წლის შემდეგ დაწერა (დასრულებულია დაახლოებით 41 წელს ქრისტეს შობიდან).
მათეს სახარება დაწერილია ებრაული ენის ასირიულ-ქალდეურ, ანუ არამეულ დიალექტზე, რომელიც მაშინ საერთო-სახალხო ენას წარმოადგენდა მთელ პალესტინაში, თუმცაღა პირვანდელი სახით არამეულად დაწერილი ჩვენამდე მოღწეული არ არის - გვაქვს ბერძნული თარგმანი.
