გაეროს ექსპერტები, რომლებიც კლიმატის ცვლილებებს სწავლობენ აცხადებენ, რომ გასულ წელს არქტიკაში ყინული უპრეცენდენტოდ სწრაფად დნება. 2007 წელთან შედარებით, ჩრდილოეთ პოლუსზე ყინულის მოცულობა 18%-ით შემცირდა.
მსოფლიოს მეტეოროლოგიური ორგანიზაციის ხელმძღვანელი მიშელ ჟარო ამ ტენდენციას ატმოსფეროს დაბინძურებას უკავშირებს.
ამავდროულად, მსოფლიოში ოკეანეების დონე უფრო სწრაფად იზრდება ვიდრე ამის შესახებ გაკეთებულ პროგნოზებში იყო საუბარი. გერმანელი მეცნიერები ზღვისპირას მცხოვრებ მოსახლეობას აფრთხილებენ, რომ მთელს მსოფლიოში უახლოეს მომავალში არის წყალდიდობებისა და სანაპირო ზოლის დატბორვის რეალური საფრთხე.
ბი-ბი-სის ინფორმაციით, თანამგზავრიდან მიღებული ბოლო მონაცემების საფუძველზე, პოტსდამის უნივერსიტეტის კლიმატის ცვლილებების შემსწავლელმა მეცნიერთა ჯგუფმა აღმოაჩინა, რომ გასული 20 წლის განმავლობაში მსოფლიოში ოკეანების დონე წელიწადში 3,2მმ-ით (60%-ით) სწრაფად იზრდებოდა ვიდრე ამას გაეროს ექსპერტები ვარაუდობდნენ.
მიღებული მონაცემები და დასკვნები გერმანელმა მეცნიერებმა ყატარში მიმდინარე, გაეროს მიერ ორგანიზებულ კონფერენციაზე წარადგინეს, რომელიც კლიმატის ცვლილებებს მიეძღვნა.
კლიმატოლოგები აცხადებენ, რომ დედამიწაზე საშუალო ტემპერატურა გაეროს მიერ გაკეთებული პროგნოზების შესაბამისად გაიზარდა, რაც თავის მხრივ ადასტურებს სკეტიკოსების შეცდომას, რომ გლობალური დატბორვის საშიშროება მითია.
