პოლიტპატიმართა და პოლიტდევნილთა სიის საბოლოო ვარიანტი 5 დეკემბერს გამოქვეყნდება. ამის შესახებ , - ამის შესახებ პარლამენტის ადამიანის უფლებათა დაცვის კომიტეტის ფარგლებში შექმნილი პოლიტპატიმართა საქმეების შემსწავლელი კომისიის წევრებმა ნინო გვენეტაძემ, მერაბ ტურავამ და ლევან ჩიტაძემ განაცხადეს.
როგორც მათ მიერ განიმარტა, არსებულ სიას, შესაძლოა, გარკვეული პირები გამოაკლდნენ ან დაემატონ.
"თითოეული საქმე კომისიის მიერ დეტალურად არის შესწავლილი და საბოლოო შედეგები სწორედ 5 დეკემბერს გამოქვეყნდება. იმავე დღეს პარლამენტი აღნიშნული სიის განხილვას გეგმავს", - განაცხადა ნინიო გვენეტაძე.
მერაბ ტურავას თქმით, სია იქნება ერთიანი.
"სია იქნება ერთიანი. შესაძლოა, გარკვეული პროტესტი არსებობდეს, თუმცა ცალკეული საქმეების განხილვა არ მოხდება. ამასთან, ყველა პოლიტპატიმარი გაგებით უნდა მოეკიდოს კომისიის მუშაობის ვადებს იქიდან გამომდინარე, რომ უამრავი საქმე იყო და არის განსახილველი", - განაცხადა მერაბ ტურავამ.
პოლიტდევნილებთან მიმართებაში არსებობს გარკვეული კრიტერიუმები და განიხილება ისეთი პირების საქმეებიც, რომლებიც საქართველოს ყოფილი ხელისუფლების პირობებში პირველი ინსტანციის სასამართლოს მიერდაუსწრებლად არიან გასამართლებულები.
