ფინანსთა სამინისტროს საგამოძიებო სამსახურისა და შემოსავლების სამსახურის წარმომადგენლები დასუფთავების სამსახურის შემოწმებას დღეს გააგრძელებენ.
ფინანსთა სამინისტროს საგამოძიებო სამსახურისა და შემოსავლების სამსახურის წარმომადგენლები დასუფთავების სამსახურის შემოწმებას დღეს გააგრძელებენ. როგორც ჟურნალისტებთან დასუფთავების სამსახურის ხელმძღვანელმა თორნიკე შიოლაშვილმა განაცხადა, მისთვის უცნობია თუ რა მიზნით მიმდინარეობას დასუფთავების სამსახურის შემოწმება.
,,ფინანსთა სამინისტროს საგამოძიებო სამსახურისა და შემოსავლების სამსახურის წარმომადგენლები გუშინ ღამემდე ახორციელებდნენ რევიზიას. ღამის განმავლობაშიც დარჩენენ მათი სამსახურის წარმომადგენლები, რათა ტერიტორია დაეცვათ. ამოღებულია ყველანაირი ფინანსური დოკუმენტი და მიმდინარეობს ამ დოკუმენტების რევიზია", -განაცხადა ჟურნალისტებთან თორნიკე შიოლაშვილმა.
შეგახსენებთ, რომ ფინანსთა სამინისტროს საგამოძიებო სამსახურისა და შემოსავლების სამსახურის წარმომადგენლებმა დასუფთავების სამსახურის სამივე ოფისის არაგეგმიური შემოწმება გუშინ საღამოს დაიწყეს.
