შვედმა მკვლევარებმა, სტატისტიკათა მოდელის მიხედვით განსაზღვრეს, რომ 40 წელიწადში პლანეტაზე ომების რაოდენობა ორჯერ შემცირდება და 2050 წლისათვის დედამიწაზე, ომის მდგომარეობაში, ქვეყნების მხოლოდ 7 პროცენტი იქნება. ამის მიზეზად მეცნიერები ასახელებენ: უმაღლესი განათლების გავრცელებას, შობადობის ტემპების კლებას, ახალგაზრდების ხვედრითი წილის შემცირებას პლანეტაზე, გაეროს მშვიდობისმყოფელების ეფექტურობის ამაღლებას, საკაცობრიო კაპიტალისადმი მეტ პატივისცემას.
შვედი სპეციალისტების განცხადებით, 2050 წლამდე კონფლიქტები ერაყში, სირიაში, ლიბიასა და ტაჯიკეთში საბოლოოდ ამოიწურება, მაგრამ, შესაძლოა, ომები დაიწყოს ინდოეთში, ნიგერიაში, სუდანში, ეთიოპიასა და ტანზანიაში. ომის გარდა, წარსულს ჩაბარდება წამებები და სიკვდილით დასჯა.
უნდა აღინიშნოს, რომ შვედების სტატისტიკამ და პროგნოზებმა ერთხელ ნაწილობრივ უკვე გაამართლა. რამდენიმე წლის წინ, მათ მიერ ჩატარებული კვლევების მიხედვით, 2001-09 წლებში 20 ქვეყანა საომარ მდგომარეობაში იქნებოდა. როგორც აღმოჩნდა, ეს პროგნოზი მაშინ 50 %-ით გამართლდა. მიუხედავად ამისა, სპეციალისტების მეორე ნაწილი ამ გამოთვლებს სკეპტიკურად უყურებს, მით უმეტეს, იმ ფონზე, რომ მსოფლიოში დღეისათვის, ფაქტობრივად, გამალებული შეიარაღება მიმდინარეობს.