სოციალურად დაუცველი 30-მდე ოჯახი თავშესაფრის მოთხოვნით აშშ-ის, გერმანიისა და საფრანგეთის საელჩოებს მიმართავენ. წუხანდელი ღამე მათ შვეიცარიის საელჩოსთან თავშესაფრის მოთხოვნის მიზნით გაატარეს, თუმცა საელჩომ სოციალურად დაუცველების მოთხოვნა არ დააკმაყოფილა.
სოციალურად დაუცველები მათ ამჟამინდელ მდგომარეობას თბილისის მერსა და პრეზიდენტს აბრალებენ.
,,ჩვენი ამჟამინდელი მდგომარეობა წინა ხელისუფლების ბრალია და ყეველაფრისთვის პასუხი უნდა აგონ თბილის მერმა გიგი უგულავამ და საქართველოს პრეზიდენტმა მიხეილ სააკაშვილმა", _ განაცხადა ჟურნალისტებთან სოციალურად დაუცველმა კახა ოდიშელიძემ.
შეგახსენებთ, რომ სოციალურად დაუცველი ოჯახები უკვე ერთი თვეა, რაც რკინიგზის საავადმყოფოს ყოფილ შენობაში უკანონოდ არიან შეჭრილი. ისინი ხელისუფლებას საცხოვრებელი ფართის გამოყოფას სთხოვენ.