ხვალ, 27 ნოემბერს, საქართველოს პარლამენტის ეროვნულ ბიბლიოთეკაში ევროკავშირის კუთხე გაიხსნება. ღონისძიებასთან დაკავშირებით მიღება ეროვნული ბიბლიოთეკის საგამოფენო დარბაზში გაიმართება.
2012 წელს არასამთავრობო ორგანიზაცია "ახალი თაობა - ახალი ინიციატიცა" პროექტ "საქართველო ევროპაში" ფარგლებში საქართველოს 6 საუნივერსიტეტო ქალაქში ევროკავშირის კუთხეებს გახსნის.
ევროკავშირის კუთხის გახსნის პარარელურად, "ახალი თაობა - ახალი ინიციატივა" პროექტ "საქართველო ევროპაში" გამართულ თემების კონკურსში გამარჯვებულებს დააჯილდოებს. დაჯილდოების ცერემონიალს ევროკავშირის წარმომადგენლობის ხელმძღვანელი საქართველოში, ელჩი ფილიპ დიმიტროვი დაესწრება. ასევე დაგეგმილია ევროკავშირის და პროეტ "საქართველო ევროპაში" თემაზე მოხსენების გაკეთება.
პროექტ "საქართველო ევროპაში" ფარგლებში პირველ ეტაპზე არასამთავრობო ორგანიზაციამ "ახალი თაობა - ახალი ინიციატივა" ევროპის სამეზობლო პოლიტიკის და საქართველოს ევროინტეგრაციის საკითხებზე საქართველოს რეგიონებში ავტოტური მოაწყო. მოსახლეობასთან შეხვედრებისას გაიმართა სემინარები და მოხდა სამოქალაქო ცნობიერების ამაღლება. მოსახლეობას საქართველოს ევრო ინტეგრაციის პროცესის და ზოგადად ევროკავშირის შესახებ საინფორმაციო მასალებიც დაურიგდათ.