პატიმრების მშობლები დედათა კომიტეტის თავმჯდომარეს ქეთი ადამიას ციხის ბუნტის ორგანიზებაში ადანაშაულებენ. როგორც "პრაიმტიამის" პრესკლუბში გამართულ პრესკონფერენციაზე დედებმა განაცხადეს, რომ დაუშვებელია ქეთი ადამია მონიტორინგის ჯგუფის წევრი იყოს.
"ჩვენ ინფორმაცია გვაქვს, რომ "დედათა კომიტეტის" თავმჯდომარე ქეთი ადამია აბუნტებს პატიმრებს და აყენებს შეურაცხყოფას. ჩვენ ვიზღვევთ თავს და ვაცხადებთ, რომ ქალბატონი ქეთი ადამია არ უნდა იყოს მონიტორინგის ჯგუფში",-აცხადებს პატიმრის ერთ-ერთი მშობელი ნათელა კბილაშვილი.
პატიმრების მშობლებმა დღევანდელ ბრიფინგზე მეორე მოთხოვნაც გააჟღერეს მათი თქმით, აუცილებელია სახალხო დამცველად დიმიტრი ლორთქიფანიძის დანიშვნა. წინააღმდეგ შემთხვევაში ისინი საპროტესტო აქციებს მიმართავენ.