15 ნოემბერს, აშშ. მთავრობის წარმომადგენლები უმასპინძლებენ ამერიკის საერთაშორისო განვითარების სააგენტოს (USAID) საქართველოში მოღვაწეობის 20 წლის აღსანიშნავ ღონისძიებას. სტუმრებს შორის იქნებიან საქართველოს მთავრობის წარმომადგენლები და USAID-ის პარტნიორი ორგანიზაციები.
ამერიკისა და საქართველოს მთავრობების წარმომადგენლები აღნიშნავენ იმ მნიშვნელოვან შედეგებს რომლებსაც ამერიკელი ხალხის დახმარებით საქართველომ მიაღწია ისეთ სფეროებში როგორებიცაა: მმართველობა, ჯანდაცვა, განათლება, ეკონომიკა, ენერგეტიკა, გარემოს დაცვა და დემოკრატია.
ბოლო 20 წლის განმავლობაში USAID-მ განახორციელა მრავალი პროექტი, რომელთა დადებითი შედეგი საგრძნობი იყო საქართველოს მოქალაქეთა ყოველდღიურ ცხოვრებაში. 90-იან წლებში დაწყებული ბავშვთა იმუნიზაციის პროგრამა დღეს წარმატებულად ხორციელდება საქართველოს მთავრობის მიერ, ენერგეტიკულ ინფრასტრუქტურაში განხორციელებული ინვესტიციები ს შედეგად საქართველოს მოახლეობას და ბიზნესს მთელი ქვეყნის მასშტაბით დაუბრუნდა სინათლე. 2008 წელს მიღებული 1 მილიარდი დოლარის ოდენობის დახმარება უმნიშვნელოვანესი იყო ომის შედეგების აღმოფხვრაში.
