რუსულ ტელევიზიებსა და გაზეთების უმრავლესობაში, სრული ცენზურაა, თუმცა, მდგომარეობას ინტერნეტი აბალანსებს. თავისუფალი სიტყვა, მხოლოდ ინტერნეტში ისმის. გასულ წელს, მსხვილი საპროტესტო აქციების ორგანიზება რუსეთში, სწორედ სოციალური ქსელების დახმარებით მოხერხდა - წერს გაზეთი "ვაშინგტონ პოსტი".
მიმდინარე თვეში კი, რუსეთის ხელისუფლებამ ინტერნეტის კონტროლის პოლიტიკის გატარებაც დაიწყო და აკრძალული ვებსაიტების "შავი სია" შეადგინა. ოფიციალური მიზეზით, ეს განპირობებული იყო არასრულწლოვანების დასაცავად თვითმკვლელობების, ნარკოტიკების და ბავშვთა პორნოგრაფიის შესახებ ინფორმაციისაგან. თუმცა, ადამიანის უფლებათა დამცველები აცხადებენ, რომ მსგავსი პოლიტიკის მიზანი - თავისუფალი სიტყვის და დამოუკიდებელი ტრიბუნის დაბლოკვის მცდელობაა, რადგან სწრედ ინტერნეტ სივრცეა ის ერთადერთი ადგილი, სადაც რუსეთის მოქალაქეებს საკუთარი აზრის თავისუფლად დაფიქსირება შეუძლიათ.
ორგანიზაციამ "რეპორტიორები საზღვრებს გარეშე" განცხადება გააკეთა და აღნიშნა, რომ ეს ერთ-ერთი იმ ღონისძიებათანაგანია, რომელიც რუსეთში თავისუფლების შეზღუდვის წინააღმდეგაა მიმართული. ინტერნეტზე სახელმწიფო კონტროლი პუტინის ხელისუფლებაში დაბრუნებისთანავე დაიწყო. პუტინის ხელში, ფაქტობრივად, მთელი მედიია, თუმცა, რუსული ბლოგოსფერი, ფეისბუქი და სხვა სოციალური ქსელები თავბრუდამხვევი სისწრაფით ვითარდება, რაც რუსეთის ხელისუფლებას უკიდურესად აშფოთებს. საიტების მონიტორინგი შედეგს არ იძლევა, ინტერნეტის აქტიური მომხმარებელი - პროგრესული რუსები კი სულ უფრო ხშირად გადადიან ოპოზიციაში ან მიემგზავრებიან ქვეყნიდან.
რუსი ბლოგერები მიიჩნევენ, რომ ინტერნეტთან ბრძოლით, პუტინი არა მხოლოდ მათ თავისუფლებას ებრძვის, არამედ მნიშვნელოვნად აფერხებს ქვეყნის ეკონომიკურ განვითარებსაც. თუ კრემლი ინტერნეტს მნიშვნელოვნად შეზღუდავს, ეს ხელს შეუშლის ინოვაციური ტექნოლოგიების განვითარებასაც, რაც სახელმწიფოს პოლიტიკურ და ეკონომიკურ მოდერნიზაციას მნიშვნელოვნად შეაფერხებს. პუტინის ქმედებს ქვეყანა უკან მიჰყავს - აცხადებენ რუსული ბლოგოსფეროს წარმომადგენლები.
მასალის გამოყენების პირობები