სკანდალურად ცნობილი ჯგუფის Pussy Riot -ს ოთხ უკრაინელ მიმდევარს მღვდელმა კანდელით სცემა. ოთხმა უკრაინელმა ახალგაზრდამ Pussy Riot -ის მიერ ჩატარებული აქციის განმეორება წმინდა ნიკოლოზის სახელობის ტაძარში სცადეს, თუმცა ღვთისმსახურისგან ჯეროვანი პასუხი მიიღეს.
უკრაინული მედიის ინფორმაციით, წმინდა ნიკოლოზის ტაძარში ღამით თავზე წინდებჩამოცმული ადამიანების ჯგუფი შევიდა. ისინი ადგილობრივი მუსიკალური ჯგუფის "Dick Revolt"-ის წევრები აღმოჩნდნენ და აპორებდნენ შეესრულებინათ სიმღერა "ღვთისმშობელო, განდევნე იანუკოვიჩი!". "მუსიკოსები მამა ვასილმა გააუვნებელყო და სოფლის მილიციას ჩააბარა", _ წერს მედია.
მღვდლის თქმით, იმ დროს ის ტაძრის დატოვებას აპირებდა და სანთლებს აქრობდა, როდესაც დაინახა, რომ ტაძარში შემოვიდნენ უცნობი პირები, რომლებსაც თავზე ქალის ჩულქები ჰქონდათ წამოცმული და ხელში გიტარის მსგავსი საგნები ეკავათ.
"მეგონა ეს მოროდიორები იყვნენ და ტაძრის ქონების დაცვა დავაპირე, რომ მცოდნოდა რომ ასეთი კეთილშობილური პოლიტიკური მისიით იყვნენ მოსულები, დიაკვანსაც დავუძახებდი - ის ძლიერი ბარიტონი გვყავს",_ განაცხადა მღვდელმა.
აღსანიშნავია, რომ მილიციის განყოფილებაში მუსიკოსები დიდი ხანი არ ყოფილან. მღვდელმა განცხადება მალევე გაიტანა უკან.
