თბილისში ავტობუსის მძღოლების გაფიცვა გრძელდება. გაფიცვაში დედაქალაქის სამივე ავტოპარკი და 1300-ზე მეტი მძღოლი მონაწილეობს. მძღოლებს 16-პუნქტიანი მოთხოვნები აქვთ შემუშავებული, რომლის დაკმაყოფილებსაც მოითხოვენ. 15-პუნქტზე შეთანხმება შედგა, თუმცა მტავარი პუნქტის - ხელფასების ზრდა, კვლავ შეუთხნამებელი რჩება.
"თბილისის სატრანსპორტო კომპანიის" გენერალურმა დირექტორმა ლევან კოპლატაძის ინფორმაციით, ავტობუსების მძღოლების ხელფასების გაზრდა ამ ეტაპზე შეუძლებელია, რადგან კომპანიას ამის ფინანსური შესაძლებლობა არ გააჩნია.
მისივე თქმით, 1-ლი ივლისიდან სატრანსპორტო კომპანიის ყველა თანამშრომელს მოემატა ხელფასები, მათ შორის მძღოლებს ხელფასი 16%-ით გაეზარდათ და ამ ეტაპზე ხელფასების ზრდის საკითხის განხილვა შეუძლებლად მიაჩნია. კომპანიამ ამ მიზნით ჯამში 8 მლნ ლარის რესურსი გამოყო.