კახეთის გზატკეცილზე, 185 000 კვ.მეტრ ფართობზე, თანამედროვე დიზაინის ახალი, მრავალფუნქციური კომპლექსის East Gate-ის მშენებლობა მიმდინარეობს. თბილისის მერიის ინფორმაციით, პროექტს CBD Development-ი ახორცილებს და ობიექტი მშენებლობაში კომპანია 40 მილიონი დოლარის ინვესტირებას გეგმავს.
ახალ ობიექტზე მიმდინარე სამუშაოს დღეს თბილისის მერი გიგი უგულავა პირადად გაეცნო.
მრავალფუნქციური კომპლექსი რამოდენიმე 2- და 3-სართულიან შენობებს გააერთიანებს, სადაც სხვადასხვა დანიშნულების კომერციული ობიექტები განთავსდება. მოწყობა გალერეები, გასართობი ცენტრები, ტანსაცმლის, აქსესუარებისა და ტექნიკის მაღაზიები, ჰიპერმარკეტი, რესტორნები და სწრაფი კვების ობიექტები, რომლებიც ერთმანეთს ხიდებითა და ტერასებით დაუკავშირდება.
კომერციული ცენტრის ეზოში ასევე დაგეგმილია კონოთეატრის, საზაფხულო სკოლის, ბოულინგისა და ფიტნეს ცენტრების მშენებლობა. ტერიტორია სხვადასხვა სახეობის ხე-მცენარეებით გამწვანდება.
ამჟამად მიწის მოჭრისა და საყრდენი კედლების მოწყობა მიმდინარეობს. სამუშაოზე 200 კაცია დასაქმებული. მრავალფუნქციური კომპლექსის მშენებლობა 2014 წლის გაზაფხულზე დასრულდება.
