"ლიბერთი ბანკის" გენერალურმა დირექტორი ლადო გურგენიძე გიორგი გოგუაძის განცხადებას უპასუხიმგებლოს უწოდებს. როგორც გამართულ პრესკონფერენციაზე "ლიბერთი ბანკის" გენერალურმა დირექტორმა, ლადო გურგენიძემ განაცხადა, გიორგი გოგუაძის განცხადება, რომ მას დაეკონტაქტა "ლიბერთი ბანკის" ხელმძღვანელობა, ეროვნულ ბანკთან ერთად და პრობლემების მოგვარება მოლაპარაკების გზით შესთავაზეს, სიმართლეს არ შეესაბამება.
"მან თქვა, რომ მას დაეკონტაქტა ლიბერთი ბანკის წარმომადგენელი ეროვნული ბანკის წარმომადგენლებთან ერთად და "პრობლების" მოგვარებას მოლაპარაკებების გზით შესთავაზეს. ეს სიმართლეს არ შეესაბამება. მე არც გიორგი გოგუაძესთან და არც სახალხო ბანკის სხვა ყოფილ აქციონერთან არ დამირეკავს და არც შემითვლია რამე. ანალოგიურად, არც მენეჯმენტის წევრებს ლიბერთი ბანკიდან სხვა ქმედება არ ჩაუდენიათ. პირიქით, გიორგი გოგუაძემ დამირეკა მე და ეს გააკეთა მას მერე, რაც ეთერით გავიდა მისი განცხადება. ამის გადამოწმება არის სრულიად მარტივი - მობილური ტელეფონების ამონაწერის ნახვის გზით. მე მათთან არ დამირეკავს და არც ვაპირებ დარეკვას, იმ მარტივი მიზეზით - არ არსებობს არანაირი "პრობლემა", რომელიც ბატონი გიორგის სემანტიკით რომ ვიხელმძღვანელო, რომელიც მოლაპარაკების გზით ან რაიმე სხვა გზით საჭიროებდეს გადაჭრას. არარსებულ პრობლემაზე საუბარი აქ საჭირო არ არის", - განაცხადა გურგენიძემ.
მისივე თქმით, მათ 2009 წლის სექტემბერში ბანკის 91% 15 მილიონ დოლარად შეიძინეს.
"ის უმძიმეს მდგომარეობაში იყო და კლინიკური სიკვდლი გადაიტანა 2008 წელს. ჩვენ ეს ბანკი იმდროინდელი ბანკის მფლობელებისგან, სულ სხვა ადამიანებისგან შევიძინეთ", -განმარტა გურგენიძემ.