ე.წ. სამხრეთ ოსეთის ე.წ. სამართალდამცავებმა ე. წ. სამხრეთ ოსეთის გენერალური პროკურატურის საგამოძიებო სამმართველოს უფროსის რონალდ ჩიტაევის გატაცებასა და მკვლელობაში ეჭვმიტანილი ორი პიროვნება დააკავეს. ე.წ. სამხრეთ ოსეთის "გენერალური პროკურორის მერაბ ჩიგოევის ინფორმაციით, "აღნიშნული დანაშაულის ჩადენაში ეჭვმიტანილი ორი პიროვნების თანამონაწილეობა ამ დანაშაულში ამჟამად დგინდება", _ აცხადებს ჩიგოევი.
შეგახსენებთ, რომ ე. წ. სამხრეთ ოსეთის გენერალური პროკურატურის საგამოძიებო სამმართველოს უფროსი რონალდ ჩიტაევი გაიტაცეს და მოკლეს. ჩიტაევის ცხედარი დღეს დილით 07:00 საათზე ცხინვალის რაიონის სოფელ ვანათთან იპოვეს. წინასწარი ინფორმაციით, იგი მიბჯენით ორჯერ გასროლითაა მოკლული.
