სტავროპოლის ოლქის კიროვის რაიონულ საავადმყოფოში რვა წლის ბიჭი გარდაიცვალა. გარდაცვალებამდე ერთი დღით ადრე მას ოპერაცია სეპარატისტულ აფხაზეთში ჩაუტარდა. ინფორმაციას ამის შესახებ რუსეთის ფედერაციის საგამოძიებო კომიტეტის რეგიონალური სამმართველო ავრცელებს.
"გამოძიებით დადგენილია, რომ გაგრა-ვლადიკავკაზის მატარებელში ბიჭმა ჯანმრთელობის გაუარესება იგრძნო. ამის გამო მატარებელი ქალაქ ნოვოპოვალსკში გააჩერეს და ბავშვი რაიონულ საავადმყოფოში გადაიყვანეს",_ნათქვამია გავრცელებულ ინფორმაციაში და იქვე აღნიშნულია, რომ გარდაცვალებამდე ერთი დღით ადრე ბიჭს გაგრაში აპენდიციტის ოპერაცია ჩაუტარდა.
"მშობლებმა საავადმყოფოს ექიმებს ბავშვის გაწერა ცოტა ადრე სთხოვეს, ვინაიდან მათ მატარებლის ბილეთები ნაყიდი ჰქონდათ. მედიკოსებმა ბავშვი გაუშვეს. ოპერაცია 4 ივლისს ჩატარდა", _ აცხადებს სამხარეო სამმართველოს უფროსის მოადგილე ელენა გრიშკო.
ბიჭის გარდაცვალების ფაქტზე შემოწმება მიმდინარეობს, რომლის შედეგადად უნდა დადგინდეს აღიძვრება თუ არა სისხლის სამართლის საქმე.
