ოს სეპარატისტთა ყოფილი ლიდერი ედუარდ კოკოითი აფხაზ სეპარატისტთა ასევე ყოფილი ლიდერის სერგეი ბაღაფშის გარდაცვალების წლისთავთან დაკავშირებით დღეს სოხუმში ჩავიდა. აფხაზური მხარის ინფორმაციით, იგი აფხაზ სეპარატისტთა ლიდერმა ალექსანდრე ანქვაბმა მიიღო.
შეხვედრაზე ოს სეპარატისტთა ყოფილმა ლიდერმა აღნიშნა, რომ იგი აპირებს ფონდის შექმნას, რომლის მთავარი მიზანი აფხაზეთს, ე.წ. სამხრეთ ოსეთსა და რუსეთს შორის კულტურული და საზოგადოებრივი კავშირების გამყარება იქნება.
აფხაზური მხარე ასევ იუწყება, რომ ალექსანდრე ანქვაბმა და ედუარდ კოკოითიმ ცხინვალის რეგიონში არსებული მდგომარეობა განიხილეს.
