აფხაზ სეპარატისტთა ლიდერზე ალექსანდრე ანქვაბზე განხორციელებული თავდასხმა მიზნად ისახავდა პოლიტიკურ მკვლელობასა და ქვეყანაში სახელმწიფო გადატრიალების მოწყობას. ეს განცხადება დღეს სეპარატისტული აფხაზეთის ე.წ. უშიშროების საბჭოს მდივანმა სტანისლავ ლაკობამ გააკეთა. ინფორმაციას ამის შესახებ აფხაზური მედია ავრცელებს.
შეგახსენებთ, რომ აფხაზ სეპარატისტთა ლიდერზე ალექსანდრე ანქვაბზე თავდასხბა ბოლოს მიმდინარე წლის 22 თებერვალს მოხდა. თავდასხმის შედეგად ანქვაბი უვნებლად გადარჩა, ხოლო მისი პირადი დაცვის ორი წევრი დაიღუპა. აღნიშნულ საქმეზე სეპარატისტულ აფხაზეტში დაკავებულია ხუთი პიროვნება. ამავე საქმესთან დაკავშირებით, თავი ორმა ეჭვმიტანილმა მოიკლა. ამას გარდა, ასევე გავრცელდა ინფორმაცია იმის შესახებ, რომ ანქვაბზე თავდასხმის საქმეში ორგანიზაცია "კავკასიის იმარატის" ე.წ. აფხაზური ჯამაათის წევრებიც იყვნენ გარეულნი.
