აჭარის სავაჭრ-სამრეწველო პალატას თოქათის გუბერნიის სავაჭრო-სამრეწველო პალატის პრეზიდენტი აჰმედ არატი თანმხლებ ბიზნესმენებთან ერთად სტუმრობდა. როგორც სააგენტო "ჯი-ეიჩ-ენს" პალატის ხელმძღვანელმა თამაზ შავაძემ განუცხადა, ქართულმა მხარემ თოქათის დელეგაციას აჭარის რეგიონის საინვესტიციო პოტენციალი, მოქმედი კანონმდებლობა, საბაჟო და საგადასახადო წესები გააცნო.
"მათი დაინტერესების სფეროს წარმოადგენს ავტომობილების ფილტრების ქარხნის აშენება, ტექსტილის დარგისა და ხმელი ხილის ექსპორტის პოტენციალი. დელეგაცია შეხვდა ასევე აჭარის ფინანსთა და ეკონომიკის მინისტრ ვაჟა ბოლქვაძესა და სოფლის მეურნეობის მინისტრ დონარა სურმანიძეს. უახლოესი ორი კვირის განმავლობაში დელეგაცია ისევ ეწვევა ბათუმს და ჩვენი პალატის შუამავლობით წარუდგენს კონკრეტულ ბიზნსდოსიეს", - აღნიშნა შავაძემ.
