ხვალ, 1-ელ მაისს, აჭარის მთავრობა მინიმუმ 150-ნომრიანი სასტუმროს მშენებლობისთვის ინვესტორის მოძიებას შეეცდება და ამ მიზნით სახელმწიფო საკუთრებაში არსებულ, შპს "ორბიტას" 100%-იან წილს განმეორებით აუქციონზე ყიდის.
პირველად აუქციონზე ობიექტის საწყისი ღირებულება 1,5 მლნ ლარი იყო, თუმცა 1-ლი მაისისთვის ჩანიშნულ აუქციონზე "ორბიტას" საწყისი ღირებულება 1 მლნ ლარადაა განსაზღვრული. პირობებიანი აუქციონის მიხედვით, ინვესტორი ვალდებულია სასტუმროს მშენებლობა ნასყიდობის ხელშეკრულების გაფორმებიდან 12 თვის ვადაში დაიწყოს და არანაკლებ 150 ნომერზე გათვლილი სასტუმრო კომპლექსი 36 თვის ვადაში ექსპლუატაციაში შეიყვანოს.
