სამტრედია-გრიგოლეთის ავტომაგისტრალის მშენებლობისთვის მთავრობა ევროპის საინვესტიციო ბანკიდან 30-წლიან სესხს აიღებს.
როგორც პრემიერმა ნიკა გილაურმა მთავრობის სხდომაზერ აღნიშნა, სამტრედია-გრიგოლეთის გზის მონაკვეთის მშენებლობისთვის ევროპის საინვესტიციო ბანკი 170 მილიონი ევროს სესხს გამოყოფს, ასევე გამოყოფილი იქნება 20 მლნ ევრო გრანტის სახით.
გილაურის თქმით, სესხი მიღებული იქნება 30 წლის ვადით, საიდანაც 10 წელი საშეღავათო იქნება, ანუ მთავრობა ამ 10 წლის განმავლობაში პროცენტს არ გადაიხდის.
როგორც გილაურმა განაცხადა, აღმოსავლეთ-დასავლეთის მაგისტრალის მშნებლობა თითქმის დაკონტრაქტებული იყო.
დარჩენილი იყო მხოლოდ სამტრედია-გრიგოლეთის მაგისტრალი, რომელიც უახლოეს დღეებში დაკონტრაქტდება და ევროპის საინვესტიციო ბანკთან ხელშკერულება გაფორმდება.
