"ღია ცის" ხელშეკრულებიდან გამოსვლას საქართველოს ეკონომიკისა და მდგრადი განვითარების მინისტრი ვერა ქობალია რუსეთის მიერ შეთანხმების დარღვევას უკავშირებს.
"საჰაერო მიმოსვლის ფარგლებში საქართველო "ღია ცის" ხელშეკრულებიდან გამოვიდა, რადგანაც რუსეთი არღვევს იმ წესებსა და კანონებს, რომელიც ამ შეთანხმებაში იყო. მათ შორის არღვევს საქართველოს ტერიტორიების ცის მიმართლებაში. ", - განუცხადა "ჯი-ეიჩ-ენს" ქობალიამ.
მისივე თქმით, აფხაზეთისა და ცხინვალის ტერიტორიებზე ფრენები საქართველოსთან უნდა იყოს შეთანხმებული.
"რადგანაც არ შემოდიოდნენ ქართულ მხარესთან კონტაქტში ამიტომ ჩვენ ამ ხელშეკრულებიდან გამოსვლა გადავწყვიტეთ. ჩვენი მხრიდან ეს არის სიგნალი, რომ რაც არ უნდა მოხდეს ჩვენ დავიცავთ და ყოველთვის ვიქნებით კანონის ფარგლებში. ღია ცის ხელშეკრულება არ არის მხოლოდ ქაღალდზე დაწერილი ხელშეკრულება. ყველა მხარე რომელიც ამ ხელშეკრულებას ხელს აწერს უნდა იცავდეს იმ წესებს, რომელიც ამ ხელშეკრულებითაა განსაზღვრული. ჩვენ დავინახეთ რომ რუსეთი არ იცავდა ამ ხელშეკრულებას და გამოვედით ამ ხელშეკრულებიდან", - განაცხადა ქობალიამ.
მგზარვთა გადაყვანის საკითხტან დაკავშირებით ქობალლიამ განმარტა, რომ ეს საკითხი ორმხრივი ხელშეკრულებების საფუძველზე რეგულირდება.
"რაც ეხება მგზავრთა გადაყვანას ,არსებობს ორმხრივი ხელშეკრულებებები და ამ ხელშეკრულებების ფარგლებში ფრენები გაგრძელდება თბილისი მოსკოვი, მოსკოვი თბილისის მიმართულებით", - განმარტა "ჯი-ეიჩ-ენთან" საუბარში ქობალიამ.
შეგახსენებთ, რომ საქართველო რუსეთთან "ღია ცის" ხელშეკრულებიდან გამოვიდა.
