საქართველოს პრეზიდენტ მიხეილ სააკაშვილის განცხადებით, გურიის აღორძინებისთვის ფონდი შეიქმნება. როგორც პრეზიდენტმა გურიის სამხარეო ადმინისტრაციის წარმომადგენლებთან შეხვედრაზე განაცხადა, ფონდს შეთავსებით ინფრასტრუქტურისა და რეგიონული განვითარების მინისტრი რამაზ ნიკოლაიშვილი უხელმძღვანელებს.
სააკაშვილის თქმით, 2012 წელი გურიის განვითარების წელი იქნება და პირველი შედეგები წლის პირველ ნახევარში უნდა იყოს.
"გურიაში უნდა განვითარდეს ტურიზმი, ინფრასტრუქტურა და განათლება. უნდა გაკეთდეს ბახმარო, ურეკის საკურორტო ზოლი. განათლების სამინისტროსთან ერთად ოზურგეთში გვინდა ყველა ასაკის ადამიანების გადამზადებისთვის რეგიონალური ცენტრის გაკეთება", _ განაცხადა სააკაშვილმა.
