2011 წელს "თეგეტა მოტორსის" წმინდა მოგება 25 %-ით გაიზარდა. როგორც "ჯი-ეიჩ-ენს" კომპანიაში განუცხადეს, წელს ჯამურმა ზრდამ გასულ წელთან მიმართებაში 25% შეადგინა, როგორც კომპანიის შიგნით ასევე შვილობილ ორგანიზაციებში.
კომპანიის მენეჯმეტი განმარტავს, რომ 2011 წელს მნიშვნელოვანი ზრდა იყო მსუბუქი ავტომობილების სერვისისა და ავტონაწილების მიმართულებით, სადაც ზრდა გასულ წელთან მიმართებაში თითქმის გაორმაგდა.
თავის მხრივ, კომპანიის მოგების ზრდა კომპანიის გაფართოებას უკავშირდება. როგორც ცნობილია, წელს აღმაშენებლის ხეივანში - ამიერკავკასიაში უპრეცენდენტო თავისი მასშტაბით და სტანდარტებით - "თეგეტა მოტორსის" სერვისცენტრი გაიხსნა.
წელსვე გაიხსნა ფოთის და ბათუმის ფილიალები, სადაც ნებისმიერი მოდელის მსუბუქ და სატვირთო ავტომობილებს ემსახურებიან. "თეგეტა მოტორსმა" დანერგა ასევე სერვისის მაღალი სტანდარტები და კომპანია ISO სერთიფიკატის მფლობელი გახდა.
"წელს განვაახლეთ ექსკლუზიური ურთიერთობა მსოფლიოში ერთ-ერთ საუკეთესო პრემიუმ ფრანგულ ბრენდთან, საბურავების მიმართულებით, "მიშლენთან". ასევე საავტომობილო ზეთების მიმართულებით, დავიწყეთ ექსკლუზიური ურთიერთობა მსოფლიოს საუკეთესო, პრემიუმ ბრენდ - "შელთან" - აცხადებენ კომპანიაში.
კომპანიის მენეჯმენტი ამბობს, რომ საავტომობილო ზეთები და საბურავები "თეგეტა მოტორსის" შემოსავლების მნიშვნელოვან წყაროს წარმოადგენს.
'წელს განვახორციელეთ სხვადასხვა პროდუქციის უპრეცენდენტოდ დიდი ექსპორტი ამიერკავკასიის ქვეყნებში. 2011 წელსვე საფუძველი ჩაეყარა სომხეთში ჩვენი კომპანიის ფრანჩაიზს, რომელიც მომავალ წელს შევა ექსპლოატაციაში.
"თეგეტა ჰოლდინგში" დასაქმებულთა რაოდენობა წინა წლებთან მიმართებაში მნიშვნელოვნად გაიზარდა და მიუახლოვდა 1,000 თანამშრომელს."თეგეტა ჰოლდინგმა" წელს ასევე შემოიყვანა საქართველოში მსოფლიოს საუკეთესო ლაქშერი საავტომობილო ბრენდი, "პორშე", - განმარტავენ კომპანიაში.
შეგახსენებთ, რომ "თეგეტა მოტორსი" ჩამოყალიბდა უნივერსალური კომპანიის სტატუსის მქონედ საავტომობილო ბიზნესში, რაც იმას ნიშნავს, რომ მომხმარებელი ყოველთვის გარანტირებულად მიიღებს მაღალი ხარისხის მომსახურებას და პროდუქტს მისი ავტომობილისთვის. კომპანიაში აცხადებენ, რომ "თეგეტა მოტორსში" უყვართ ავტომობილები და მათ ენაზე ლაპარაკობენ".
ამჟამად "თეგეტა მოტორსი" საქართველოში 300-მდე მსოფლიოში ცნობილი ბრენდის ოფიციალური წარმომადგენელია დისტრიბუციის ექსკლუზიური უფლებით.
თავის მხრივ, "თეგეტა მოტორსი" უკვე თვითონ არის პრესტიჟული და სანდო სახელი, ბრენდი, რომელთანაც ცნობილი უცხოური კომპანიები ყოველგვარი საბანკო გარანტიებისა და დამატებითი პირობების გარეშე აფორმებენ ხელშეკრულებებს. სწორედ ასე შემოვიდა ქართულ ბაზარზე JCB, უმაღლესი ხარისხის ბულდოზერების, ექსკავატორებისა და ზოგადად, მიწის დასამუშავებელი ტექნიკის მწარმოებელი ცნობილი ინგლისური კომპანია. უფრო ადრე კი - მსოფლიოში საუკეთესო სატვირთო ავტომობილების მწარმოებელი, გერმანული მანქანათმშენებელი კონცერნი MAN - "თეგეტა მოტორსის" ერთ-ერთი ყველაზე საამაყო პარტნიორი.
"თეგეტა მოტორსმა" გააფართოვა როგორც საქმიანობის არეალი, ასევე ქსელი და მომხმარებელს მსოფლიო საუკეთესო ბრენდების ფართო ასორტიმენტი შესთავაზა. დღეს "თეგეტა მოტორსი" საქართველოში წარმოადგენს ისეთ მსხვილ და სახელოვან კომპანიებს, როგორებიცაა: Bridgestone, Michelin, Bosch, Varta, Shell, Ista, Meguin, Hengst, Motul, ZF, BPW, Thermo King და ა.შ..