"ივერია ინტერმედიამ" გორგასლის ქ. №73-ში განთავსებული სტუდიიდან მთაწმინდის ტელერადიოცენტრამდე რადიოსიხშირული სპექტრით სარგებლობის ლიცენზია მოიპოვა. კომუნიკაციების ეროვნულ კომისიის ინფორმაციით, დღეს გამართულ სხდომაზე რადიოსიხშირული სპექტრით სარგებლობის ლიცენზიის მისაღებად გამართულ აუქციონში გამარჯვებული გამოვლინდა. შპს "ივერია ინტერმედიამ" ქ. თბილისში, გორგასლის ქ. №73-ში განთავსებული სტუდიიდან მთაწმინდის ტელერადიოცენტრამდე, რადიოსარელეო კავშირისათვის რადიოსიხშირული სპექტრით სარგებლობის ლიცენზია შეიძინა.
კომპანია ლიცენზიის მფლობელი ათი წლის ვადით გახდა და რესურსით სარგებლობისთვის 2014 ლარის და 08 თეთრის გადახდა მოუწევს.
საქართველოს კომუნიკაციების ეროვნულმა კომისიამ რადიოსიხშირული სპექტრით სარგებლობის ლიცენზიის მისაღებად აუქციონი 2011 წლის 11 ნოემბრის სხდომაზე გამოაცხადა.