ლევან ვარშალომიძე შავი ზღვისპირა პორტების ასოციაციის შექმნის ინიციატივით გამოდის. აჭარის მთავრობის ინფორმაციით, მთავრობის თავმჯდომარემ თურქეთში ვიზიტისას შავი ზღვისპირა პორტების ხელმძღვანელებისა და საკრუიზო კომპანიების წინაშე ასოციაციის შექმნის ინიციატივა წამოაყენა. ორგანიზაციამ რეგიონის ტურიზმის განვითარების სტრატეგია უნდა შეიმუშავოს. ასოციაციის შესაქმნელად პირველი შეხვედრა 2012 წლის თებერვალში ბათუმში გაიმართება.
სტამბოლში საერთაშორისო ფორუმზე „Seatrade" შავი ზღვის რეგიონის საკრუიზო ტურიზმის პერსპექტივები განიხილებოდა. დღეისათვის მსოფლიოში უმსხვილეს საკრუიოზო კომპანიებს მთლიანად აქვთ ათვისებული ხმელთაშუა ზღვის აუზი და ახლა შავი ზღვისპირეთით ინტერესდებიან.