ფინანსთა მინისტრ დიმიტრი გვინდაძის განცხადებით, დონორების მიერ ბიუჯეტის დაფინანსების მაჩვენებელი 5 პროცენტით არის განსაზღვრული. გასულ წლებში კი ის უფრო მაღალი იყო. ეს განცხადება გვინდაძემ პარლამენტის პლენარულ სხდომაზე მომავალი წლის სახელმწიფო ბიუჯეტის პროექტის განხილვისას გააკეთა.
"საგადასახადო შემოსულობები გაზრდილია და დონორების დაფინანსების მაჩვენებელი მცირდება. ეს კი ინვესტორებისათვის დადებითი სიგნალია", -- აღნიშნა დიმიტრი გვინდაძემ.
2012 წლის სახელმწიფო ბიუჯეტის პროექტს პარლამენტი დღეს დაამტკიცებს.