რუსეთის საგარეო საქმეთა სამინისტროს დსთ-ის ქვეყნების დეპარტამენტში საქართველოს სეპარატისტული რეგიონების ე.წ. ელჩები იგორ ახბა და დიმიტრი მედოევი მიიღეს. ინფორმაციას ამის შესახებ რუსეთის საგარეო საქმეთა სამინისტრო ავრცელებს.
მათი ინფორმაციით, მოხდა " ამ მეგობრული სახელმწიფოების ელჩების ინფორმირება იმის შესახებ, რომ რუსეთსა და საქართველოს შორის ვაჭრობის მსოფლიო ორგანიზაციაში გაწევრიანების შესახებ მოლაპარაკებები დასრულდა".
"მათ ასევე გააცნეს რუსეთსა და საქართველოს შორის მიღწეული შეთანხმების ძირითადი შინაარსი. რუსული მხრიდან ხაზგასმით აღინიშნა, რომ აღნიშნული შეთანხმება სავსებით ითვალისწინებს რეგიონში შექმნილ ახალ პოლიტიკურ რეალობას და არ აკნინებს აფხაზეთსა და სამხრეთ ოსეთს როგორც დამოუკიდებელ სახელმწიფოებს", _ იუწყება რუსეთის საგარეო უწყება.
