დამასკოში არეულობის შედეგად რამდენიმე ოფისი და სხვადასხვა დაწესებულებაა დარბეული. დემონსტრანტების რისხვა გამოიწვია არაბთა ლიგის სახელწმიფოების გადაწყვეტილებამ შეუჩერონ სირიას ორგანიზაციის წევრობა ქვეყანაში მიმდინარე საპროტესტო აქციების წინააღმდეგ გამოყენებული მკაცრი ზომების გამო. განსაკუთრებული ზიანი დემონსტრანტებმა საუდის არაბეთის საელჩოს მიაყენეს. ადგილობრივი მედიის ინფორმაციით, ჩამსხვრეულია საელჩოს შენობის ფანჯრები. აქცია ასევე ყატარის საელჩოსთან გაიმართა.
სირიის წარმომადგენელი არაბთა ლიგაში აცხადებს, რომ ლიგის გადაწყვეტილება დასავლეთის ინტერესებს ემსახურება და ის ეწინააღმდეგება ორგანიზაციის წესდებას. აშშ და ევროკავშირი მიესალმნენ არაბთა ლიგის გადაწყვეტილებას სირიისათვის წევრობის შეჩერების შესახებ და ქვეყნის წინააღმდეგ პოლიტიკური და ეკონომიკური სანქციების დაწესებას.