გამოკითხვის შედეგების მიხედვით, რომელიც ე.წ. სამხრეთ ოსეთის ყველა რაიონში ჩატარდა რუსული ენის სტატუსის შესახებ 13 ნოემბერს ე.წ. სამხრეთ ოსეთში დაგეგმილ რეფერენფუმში მონაწილეობას გამოკითხულთა 84,8 % მონაწილეობის მიღებას აპირებს. მათგან, იმის სასარგებლოდ, რომ ე.წ. სამხრეთ ოსეთში რუსულ ენას "სახელმწიფოებრივის" სტატუსი მიენიჭოს ხმის მიცემას 82,3 % აპირებს, წინააღმდეგ 3,3 % წავიდა. კითხვაზე პასუხის გაცემა კი 14,4 % გაუჭირდა. ხოლო რაც შეეხება ე.წ. სამხრეთ ოსეთში ასევე 13 ნოემბერს დაგეგმილ ე.წ. საპრეზიდენტო არჩევნებს, მათში მონაწილეობის მიღებას გამოკითხულთა 94, 7 % აპირებს.

ე.წ. სამხრეთ ოსეთის ჩრდილოეთ ოსეთთან შეერთებას რუსეთის ფედერაციის შემადგენლობაში გამოკითხულთა 92,5 % უჭერს მხარს. უფრო დადებითად არის ამ საკითხისადმი განწყობილი ვიდრე უარყოფითად 2,7 %, ნეიტრალურად კი 2,9 %, წინააღმდეგია 1,8 % და უფრო უარყოფითადაა ამ საკითხისადმი განწყობილი ვიდრე დადებითად - 0,1 %.