საავადმყოფოების აშენების პროექტს შეექმნა სიძნელეები, მაგრამ იგი არ ჩავარდნილა, _ ამის შესახებ საქართველოს პრეზიდენტმა მიხეილ სააკაშვილმა ტელეკომპანია "რუსთავი 2 "-ის გადაცემა "პოზიციაში" განაცხადა, სადაც მან 2009 წელი შეაფასა და სამომავლო გეგმებზე ისაუბრა.
მისი თქმით, გარდა მსოფლიო ეკონომიკუკრი კრიზისისა 100 ახალი საავადმყოფოს პროექტის განხორციელებისას დაშვებული იყო შეცდომებიც.
"მაგალითად, ინფექციური საავადმყოფო, რომელიც იყიდება აუქციონზე, მანამდე იფუნქციონირებს ვიდრე ინვესტორი არ ააშენებს ახალს, და არ მისცემს უკეთეს პირობებს. ჩვენ ჯერ მივეცით და მერე დაგვპირდა რომ ააშენებდა და სწორედ ეს შეცდომა იყო დაშვებული", _ განაცხადა პრეზიდენტმა და აღნიშნა, რომ უნდა ყოფილიყო ჩადებული უფრო მეტი ვალდებულებები.
