ბრიტანელი მეცნიერები ცხოველისა და ადამიანის ემბრიონის შეჯვარებაზე მუშაობენ.
პრესაში გავრცელებული ინფორმაციით, სპეციალისტები სამეცნიერო ცდებს უკვე სამი წელია, ნიუ კასლისა და უორვიკის უნივერსიტეტების, ასევე კინგსის კოლეჯის ლაბორატორიებში ატარებენ.
სამი წლის განმავლობაში მეცნიერებმა 150-ზე მეტი ემბრიონი გამოიყვანეს, რომელშიც ცხოველისა და ადმაიანის გენია ჩადებული.
სპეციალისტებმა ცდების ჩატარების ნებართვა 2008 წელს მიიღეს, რისთვისაც ინგლისის ხელისუფლებამ "ადამიანის განაყოფიერებისა და ემბრიოლოგიის" შესახებ კანონში ცვლილებებიც კი შეიტანა.
მეცნიერები ამტკიცებენ, რომ მათი ცდები ყველაზე საშიში დაავადებების წინააღმდეგაა მიმართული, საზოგადოების ნაწილი კი მიიჩნევს, რომ ცდებზე მომუშავე სპეციალისტებს ფსიქიკური პრობლემები აქვ.
ექსპერიმენტისადმი უარყოფითი დამოკიდებულება მრავალმა ცნობილმა მოღვაწემ გამოთქვა, მათ შორის ლორდმა ელტონმა. მისი თქმით, ასეთი ცდები ეჭვის ქვეშ აყენებს ჰუმანიზმს და კვლევაში მონაწილე მეცნიერების ფსიქიკურ მდგომარეობასაც. იგი მიიჩნევს, რომ აღნიშნული სახის ექსპერიმენტები არცხვენს გაერთიანებულ სამეფოს და შესაძლო სამედიცინო მიღწევებით მისი გამართლება შეუძლებელია.
