ევროპის მოედანზე გამართული კონცერტის შემდეგ ენრიკე იგლესიასმა თაყვანისმცემლებთან ფოტოები გადაიღო, ჟურნალისტებთამ კი მცირე კომენტარი გააკეთ.

"კარგი შოუ იყო. აღფრთოვანებული და ბედნიერი ვარ. კონცერტზე კარგი საზოგადოება იყო შეკრებილი", - განაცხადა მსოფლიო ვარსკვლავმა.

კონცერტს საქართველოს პრეზიდენტი, მიხეილ სააკაშვილი დაესწრო. MTV Live Georgia ქართულმა ჯგუფმა "სტეფანე და 3G"-მ გახსნა, მოგვიანებით სცენაზე სოფო ნიჟარაძე გამოჩნდა, რომელმაც სამი ინგლისურენოვანი სიმღერა შეასრულა. ამრიკელმა კომპოზიტორმა კრისტიან უოლსმა კომპოზიციები სპეციალურად ქართველი მომღერლისთვის დაწერა. აღსანიშნავია, ისიც რომ სწორედ უოლსმა შექმნა სიმღერები მეგა-ვარსკვლავ სელინ დიონის ბოლო ალბომისთვის. მაყურებლის წინაშე ასევე წარსდგა ჯგუფი "ელდრაინი".

MTV Live Georgia-ზე მსმენელთა დასწრება უფასო იყო. ევროპის მოედანზე მინიმუმ 8 ათასი ადამიანი შეიკრიბა. რამდენიმე ათასი მელომანი კონცერტს ბულვარსა და თეატრთან დამონტაჟებული მონიტორებიდანაც ადევნებდა თვალყურს.

კონცერტი MTV World Stage-ის მეშვეობით მსოფლიოს 156 ქვეყანაში 600 მილიონზე მეტმა ადამიანმა იხილა.