მოსკოვიდან სოხუმის მიმართულებით პირველი ავტობუსი გავიდა. ავტობუსის მარშრუტი შემდეგნაირია: მოსკოვი - ვორონეჟი - დონის როსტოვი - ჯუბგა - ტუაპსე - სოჭი - გაგრა - ბიჭვინთა - გუდაუთა - ახალი ათონი - სოხუმი. აღნიშნული მიმოსვლის ორგანიზატორი აფხაზეთის ე.წ. რესპუბლიკის განვითარების ფონდია.
მოსკოვიდან ავტობუსები პარასკევობით გავა, სოხუმიდან მოსკოვში კი ორშაბათობით დაბრუნდება. აფხაზური მხარის ინფორმაციით, ჯერ-ჯერობით რამდენიმე სასინჯი რეისი განხორციელდება, იმისათვის, რომ გაიგონ თუ რამდენად მიმზიდველია ამ მარშრუტით გადაადგილება მგზავრებისათვის.
აღსანიშნავია, რომ მიმდინარე თვის დასაწყისიდან სოჭი-გაგრას მარშრუტის საზღვაო რეისი ამოქმედდა. ბილეთის ფასი ერთი მიმართულებით 500 რუსული რუბლია.
რაც შეეხება სარკინიგზო მიმოსვლას მოსკოვსა და სოხუმს შორის მისი დაწყება ივლისის დასაწყისიდან იგეგმება.
