"ეს არის ძალიან მნიშვნელოვანი ღონისძიება, ფესტივალი თანდათანობით საერთაშორისო ხასიათს იძენს. ველოდებით ტურისტების სერიოზულ რაოდენობას მეზობელი ქვეყნებიდან, უფრო კონკრეტულად კი სომხეთიდან და აზერბაიჯანიდან. ფესტივალი ერთი მხრივ, ხელს შეუწყობს ქართული ლუდის პოპულარიზაციას მეორეს მხრივ კი გაიზრდება ტურისტული ნაკადების რაოდენობა. თბილისსა და რეგიონებში დაგეგმილია სხვა ტემატური ფესტივალების ჩატარება და სახალხო დღესასწაულების ორგანიზება", - განაცხადა ტურიზმის სააგენტოს თავმდჯომარის მოადგილემ ბექა ჯაყელმა.

კომპანია "ნატახტარის" მარკეტინგის მენეჯერი თორნიკე ნიკოლაიშვილი კი აცხადებს, რომ ფესტივალის დამსწრე საზოგადეობა საკმაოდ კმაყოფილი დარჩება, რადგანაც შესაძლებლობა მიეცემა სხვადასხვა სახის ლუდი დააგემოვნოს, კონკურსებში მიიღონ მონაწილეობა და იმავდროულად ცნობილი ქართველის შჶმსრულებლების მუსიკასაც მოუსმინონ.

"ლუდის ფესტივალი თბილისში უკვე მეორედ ტარდება. ეს იქნება 25-26 ივნიის და წელს ფესტივალი შარშანდელთან შედარებით იქნება გაცილებით მაშტაბური. ჩამოგვყავს მომსახურე პერსონალი გერმანიიდან, რომლებთაც დიდი გამოცდილება აქვს მსოფლიოს ცნობილ ფესტივალებზე მუშაობის. ასევე იქნება კუთხე ბავშვებისთვის, რომელსაც სხვადასხვა სახის ანიმატორები გაართობენ.

იქნება სხვადასხვა სახის გათამაშებები და შეჯიბრებები და ორი დღის განმავლობაში პროგრამა იქნება დატვირთული. 17:00 სათზე დაიწყება მსვლეობა ვარდების რევოლუციის მოედნისკენ, ხოლო 18:00 საათზე იქნება ფესტივალის გახსნა", - განაცხადა "ნატახტარის" მარკეტინგის მენეჯერმა, თორნიკე ნიკოლაიშვილმა.

აღსანიშნავია, რომ 25 და 26 ივნისს თბილისში, ვარდების რევოლუციის მოედანზე, უკვე მეორედ გაიმართება "თბილისის ლუდის ფესტივალი", რომელიც, გასული წლის მსგავსად, 2 დღეს გაგრძელდება და გაცილებით უფრო მასშტაბური ღონისძიება იქნება. ამით, ევროპის სხვადასხვა ქვეყანაში გავრცელებული ლუდის ფესტივალების ქართული ანალოგი ტრადიციულ სახეს იღებს.
ფესტივალის ორგანიზატორთა განცხადებით, გერმანული და ზოგადად დასავლური გამოცდილების დანერგვის მიზნით, ფესტივალის ორგანიზებაში ჩაერთო მსგავსი ტიპის მასობრივი გასართობი ღონისძიებებისა და მასშტაბური პრომოაქციების ჩატარებაში გამოცდილი და დახელოვნებული პრომოპერსონალი, რომელიც, გარდა იმისა, რომ ქართველ ორგანიზატორებთან ერთად მონაწილეობდა ფესტივალის კონცეპტუალურ დაგეგმვაში, ასევე, მიიღებს მონაწილეობას საქართველოსი დაგეგმილ ღონისძებაში. ასე რომ, წელს პირველად ტრადიციულ ბავარიულ ფორმებში გამოწყობილი გოგონები გახსნიან თბილისის ლუდის ფესტივალს და მის სტუმრებს 2 დღის განმავლობაში მოემსახურებიან.
"ნატახტარის" ლუდის ფესტივალი, სადაც ყველა მსურველს უფასოდ შეუძლია მოხვედრა, უამრავი გასართობი და საინტერესო კომპონენტისგან შედგება. ვარდების რევოლუციის მოედანზე იქნება დამონტაჟებული სპეციალური სცენა, სადაც გაიმართება ცოცხალი კონცერტი ცნობილი ქართული ჯგუფების მონაწილეობით. საკონცერტო პროგრამაში მონაწილეობენ "მგზავრები", "ფრანი", "როდრიგესი", სალომე კორკოტაშვილი და 4 ცნობილი პაბის ბენდი.
"ნატახტარის ლუდის ფესტივალზე" ერთდროულად შეძენილ ყოველ 5 კათხა (1 კათხა ეღირება 1 ლარი) ლუდზე სტუმარი მიიღებს 1 ბილეთს, სადაც ექნება შანსი, მოიგოს 5 სხვადასხვა ტიპის საჩუქარი: ქუდი, უფასო ლუდი, სათვალე, კათხა და მაისური. ასევე მოეწყობა თამაშები და სხვა გასართობი ღონისძიებები. ტერიტორიაზე ორგანიზატორების გადაწყვეტილებით განთავსდება 4 კვების ობიექტი, რომელთა სამზარეულო განსხვავებული იქნება. ვარდების მოედანზე დაიდგმება ხის გრძელი მაგიდები და მთელ ტერიტორიაზე დაიწყობა თივის შეკვრები. დასავლური ლუდის ფესტივალების ანალოგიურად, აქაც გაიყიდება ღონისძიებისლოგოიანი სუვენირები და საჩუქრები. წელს ლუდის ფესტივალზე, "ნატახტარის ლიმონათის" ორგანიზებით მოეწყობა სპეციალური კუთხე ბავშვებისათვის.
ფესტივალის ორგანიზატორია კომპანია "ნატახტარი". ღონისძიების მენეჯმენტს ახორციელებს კომპანია "ბეთერფლაი". მხარდამჭერები არიან ქალაქ თბილისის მერია, კულტურისა და ძეგლთა დაცვის სამინისტრო და ტურიზმის ეროვნული სააგენტო. ფესტივალის საზოგადოებასთან ურთიერთობას უზრუნველყოფს კომპანია "ჯეპრა".