ვისოლმა ბათუმის პორტში შემოსული ამერიკის სამხედრო-საზღვაო ფლოტის ხომალდი საზღვაო საწვავით გამართა. საკუთარ ლაბორატორიაში ჩატარებული კვლევების საფუძველზე ა.შ.შ.-ს საზღვაო ძალების სამხედრო ხომალდის პერსონალმა არჩევანი ვისოლის საზღვაო დიზელის საწვავზე შეაჩერა და გემის ბორტზე 319 600 ლიტრის ჩასხმა უკვე განახორციელა. საწვავის ახალი პარტიის მიწოდება 22 ივნისს იგეგმება.
„ვისოლი ბუნკირების მომსახურებას ერთ-ერთ ყველაზე სტრატეგიულ მიმართულებად მიიჩნევს და ამ კუთხით დამატებით ინვესტიციებსაც გეგმავს, რაც ახალ სამუშაო ადგილებს შექმნის და საქართველოს საზღვაო პორტებს შავ ზღვაზე ერთ-ერთი წამყვანი პოზიციის დამკვიდრების შესაძლებლობას მისცემს. ქვეყანაში, სადაც რამოდენიმე პორტი არსებობს, უაღრესად მნიშვნელოცვანია ცივილურად და ეფექტურად მომუშავე საბუნკერე საწვავის მიწოდებით დაკავებული კომპანიების არსებობა. ვისოლი ორიენტირებულია მაღალი ხარისხის პროდუქტსა და მომსაურებაზე და სწორედ ეს იყო ა.შ.შ. საზღვაო ძალების სამხედრო ხომალდისთვის ვისოლთან თანამშრომლობის გადაწყვეტილების განმსაზღვრელი ფაქტორი" . აცხადებს "ვისოლ ჯგუფის" სამეთვალყურეო საბჭოს თავმჯდომარე სოსო ფხაკაძე.
"მონტერეი CG-61" ბათუმის პორტში 20 ივნისს შემოვიდა. ამერიკული ხომალდის ვიზიტის მიზანი საქართველოს სანაპირო დაცვის ძალებთან უსაფრთხოების საკითხებში თანამშრომლობა და ორმხრივი ურთიერთობების გაღრმავებაა. გემის დაზიანების აღდგენა, ელექტროსტიმულაცია, ხომალდის საფრთხის შემცველი დეტალებისგან გაწმენდა და ტექნიკური სიახლეები - სხვადასხვა ტიპის წვრთნებს სანაპირო დაცვის 20 თანამშრომელი გადის.
ვისოლ ბუნკირება 2008 წლის მარტიდან აწვდის უმაღლესი ხარისხის საბუნკერო საწვავს ბათუმის, ფოთისა და ყულევის პორტებში შემომავალ გემებს.
