ოპოზიციონერ დეპუტატ მაგდა ანიკაშვილის თქმით, ხელისუფლებამ მოსახლეობას კომუნალური გადასახადების ქვითრის მისვლის დრო, კოშმარად უქცია.
ამის შესახებ დღეს, ანიკაშვილმა პარლამენტის რიგგარეშე სხდომაზე განაცხადა და დასძინა, რომ კომუნალური გადასახადები სრულიად ხელოვნურად და უსამართლოდ არის გაზრდილი.
"თვის ბოლო, ქვითრის მისვლის დრო მოსახლეობის დიდი ნაწილს კოშმარად გადაექცა. ეს ის დროა, როცა ბევრმა ოჯახმა არ იცის, როგორ გააგრძელოს ცხოვრება და როგორ მოუარონ შვილებს. ეს არის კოშმარი და ამ პირობებში ბევრს უწევს ცხოვრება", - აღნიშნა დეპუტატმა.
ამასთან, ანიკაშვილმა ერთიანი ადმინისტრირების უსამართლობის საკითხთან ერთად დასუფთავების გადასახადის მოსალოდნელ გაზრდაზეც ისაუბრა და აღნიშნა, რომ, რაც უფრო მძიმდება სოციალური ფონი, უფრო და უფრო არაადექვატურ გადაწყვეტილებებს იღებს ხელისუფლება.
დასუფთავების გადასახადის გაანგარიშების ახალი წესით კი, როგორც ანიკაშვილი აცხადებს, გადასახადი 2-3 ჯერ გაიზრდება.
"ჩვენ ამ გადაწყვეტილებას, ყველანაირად შეევეწინააღმდეგებით", - აცხადებს ანიკაშვილი.
