"ქართული დასის" ლიდერი, ოპოზიციონერი დეპუტატი ჯონდი ბაღათურია ჟენევის მოლაპარაკებებიდან ქართული მხარის გამოსვლის კატეგორიული წინააღმდეგია. ამის შესახებ დღეს, ბაღათურიამ საპარლამენტო უმცირესობის ლიდერის გიორგი თარგამაძის გამოსვლის გამოხმაურებისას აღნიშნა.
"ხელისუფლებას ნუ წააქეზებთ, რომ პროვოკაციული ნაბიჯი გადადგას და ჟენევის ფორმატზე უარი თქვას", - აღნიშნა ბაღათურიამ.
მისივე თქმით, ჟენევის მოლაპარაკებების ფორმატის ჩაშლა რუსეთს აწყობს და თუ საქართველო თუ ამაზე უარს იტყვის, მაშინ ხელისუფლება როგორ იმუშავებს, მისთვის გაუგებარი ხდება.
"ჩერქეზთა გენოციდი აღიარეთ, მაგრამ გერმანიის საელჩოსთან საქართველოს დროშა არ გააშლევინეს, რომ აფხაზებს ეწყინებაო. ვეღარ ვუგებთ საინფორმაციო ომს რუსეთს და ყველაფერს მძიმე შედეგები მოსდევს", - განაცხადა ბაღათურიამ.
