ყველაფერი უნდა გაკეთდეს, რომ მოსახლეობქს სტიქიის მიერ მიყენებული ზარალი აუნაზღაურდეს. ამის შესახებ ბიუროს სხდომაზე პარლამენტის თავმჯდომარემ დავით ბაქრაძემ განაცხადა.
რეგიონალური პოლიტიკისა და თვითმმართველობის საკითხთა კომიტეტის თავმჯდომარე ვახტანგ ბალავაძემ კი აღნიშნა, რომ ამ დროისთვის მდგომარეობა კვლავ მძიმეა, თუმცა ადგილობრივი ხელისუფლება მობილიზებულია და უკვე აღდგა მოსახლეობისთვის წყლისა და ელექტროენერგიის მიწოდება.
დეპუტატის თქმით, უკვე დაწყებულია ზარალის დათვლაც, რათა მოსახლეობას მიყენებული ზარალი აუნაზღაურდეს.
ბაქრაძემ აღნიშნა, რომ თუ საჭირო გახდება, მოსახლეობისთვის ზარალის ანაზღაურებისთვის დამატებითი თანხის მობილიზება მოხდება და ამასთან დაკავშირებით ყველა ერთ აზრზე დგას.
"ყველაფერი უნდა გავაკეთოთ პრობლემების აღმოსაფხვრელად", - აცხადებს ბაქრაძე.
შეგახსენებთ, რომ სტიქიით დაზარალებულ რეგიონები დღეს საპარლამენტო უმრავლესობის წევრებმა პარლამენტის თავმჯდომარის დავით ბაქრაძის დავალებით მოინახულეს და შექმნილ ვითარებას ადგილზე გაეცნენ.
